Айнура 31 жашта, жашы жете элек үч кызы бар.

Айнура 3 жашында ата-энесинен ажырап, 18 жашка чейин туугандарынын колунда тарбияланган. Бойго жеткенде өз алдынча жашоо баштоону сунушташкан.19 жашында 32 жаштагы кишинин наабайканасында техникалык жумушчу болуп иштеп жүргөн мезгилде, ал чала тааныш киши никеге турганга мажбурлаган. Бир күнү айлык төлөп берүү максатында аны үйүнө чакырып, шантаж аркылуу турмушка чыгууга көндүргөн, азыр үч баласы бар.

Күйөөсү жана кайненеси тарабынан физикалык, психологиялык зордук-зомбулкка кабылган. Ал бир нече жолу үйүнөн качып, 6 жылдык никеден кийин расмий түрдө ажырашып, бирок ар кандай коркутуулар жана көндүрүүлөр менен кайтып келген. Айнура кезектеги ур-соккудан кийин үйүнөн качып, үч баласы менен Бишкекке келген. «Сезим» ишеним телефонуна бей тааныш аял чалып, үч баласы бар аял убактылуу анын менен жашап жатканын айтып, күйөөсүнөн качып келгени, жардамга муктаж экендигин билдирген.

Айнура кыздары менен биздин Транзит социалдык үйүбүздө беш жарым ай жашашкан. Ал медициналык жардамга муктаж болуп, үй-бүлөлүк жашоосунда эки кабыргасы сынып, мээси чайкалган. Ɵзү жана эки улуу кызы психотерапевт жана балдар психологу менен реабилитациядан өтүшту. "Сезим" улуу кыздарын жаңы мектепке каттоого көмөктөшүп, кичүү кызы бала бакчага кабыл алынган.

Айнура бизнес-долбоор даярдап, тырмак сервисинин курстарын окуп, жумушка керектүү шаймандарды сатып алуу үчүн 300 доллар пайызсыз насыя алды. Ал окуган салондо ага жумуш сунушталып, Айнура маникюр-педикюр боюнча мастер болуп иштей баштаган. Көп өтпөй ал балдары менен ижарага алынган батирге көчүп кетти. Айнура “Сезимдин” адвокатынын жардамы менен балдардын атасынан алимент өндүргөн. Айнура биз менен байланышып, психотерапевт менен жолугушууну улантууда.

«Баарынан да коркконум, кайра мени таап, мажбурлап кайтарып, анан баякы ле уруп-сабоо, кемсинтуу башталат, мени коргоп, колдой турган эч ким жок эле. Биринчи жолу жардам сурап кайрылганым, бул жашоомдогу чоӊ бурулуш болду. Ɵзүмдү коопсуз сезип жана өзүмө ишеничпайда болду, күйөөм тынчыбызды албай калды.. эми мен иштеп келечек жөнүндө ойлоно алам”.

Мая 16 жашта, өгөй атасы тарабынан сексуалдык зордукка кабылган.

13 жашка чыкканда өгөй атасы,апасы жумушка кеткенин пайдаланып, зордук көрсөткөн. Өгөй атасы эгер кимдир бирөөгө айтсан, денеӊе залал келтирем деп коркуткан. Апасыэкинчи жолу эки кызы менен турмушка чыккан, Маянынөзүнөн эки жаш кичүү синдиси бар. Атасы катуу оорудан кийин каза болуп, беш жылдан кийин Маянын апасы турмушка чыгат. Маясиндисин жакшы көрөт жана ага абдан жакын, өгөй атасы апана айтсан,синдинди да ошондой кылам деп коркута баштаган.15 жашка чыкканда өгөй атасынын аракеттерине каршылык көрсөтүп, үйүнөн качып баштаган.

Апасы менен өгөй атасынын ортосунда чыр-чатактар ​​көбөйүп, апасы ажырашууну чечкен, андан кийин Маянын чоң апасына таандык батирге көчүп кетишкен. Өгөй атасы аларды куугунтуктай берген. Апасы кайра кайтып барат деп корккон Майя, өгөй атасы 13 жашынан баштап ага сексуалдык зомбулук көрсөтүп жүргөнүн айткан. Апасы дароо “Сезим” борборуна жардам сурап кайрылган. «Сезим» борборунун юристинин жана адвокатынын жардамы менен «Зордуктоо» беренеси боюнча кылмыш иши козголгон. Ɵгөй атасы убактылуу кармоочу жайга камалды.

Туугандары аларды коркута башташкандыктан, Транзитник уйдө жашоого мажбур болушкан. Коркунучтарга байланыштуу Мая менен анын апасынын коопсуздугумаанилуу эле. Майяга ар тараптуу психологиялык жардам көрсөтүлгөн. Тергөө иш-чараларында аны дайыма «Сезим» балдар психологу коштоп жүргөн.

Азыркы тапта иш сотко өтүп, биздин юрист жана адвокат ишти алып барууда. Майя апасы менен Транзиттик үйдөн өз үйлөрүнө кетишкен. Мая биздин психолог менен дайыма байланышта. Биздин социалдык кызматкерлер кыздын башка мектепке которулушуна жардам беришти.

«Мен апама эмне болуп жатканын айтуудан коркчумун. Апам менин кылык-жоругумдун өзгөргөнүн байкаса да унчуккан жокмун. Мен корктум. Бирок психологдун жардамы менен өзүмдү жакшы сезип, жеңилдеп калдым..."

Маянын апасы: «Кызым менен болгон окуя менин бүт өмүрүмдү чийди. Эми мен үчүн эң башкысы Мая мага кайрадан ишенип, жашоодо өз жолун таба алса болду. Мен кызым эмне болуп жатканын дароо байкабаганым үчүн өзүмдү эч качан кечире албайм".